Nos di MEP como un partido serio, respeta y cu un lider cu henter militancia di MEP ta respeta lo no bay haci ningun muchachada di para stroba na rotonde of canto di caminda, lo no agredi e hendenan muher di AVP cu ta nan so den nan auto y hinca palo di bandera di MEP den nan cara y alavez nos lo no golpia y maltrata al estilo di Pedrito Bulpes e hendenan di AVP, ya cu tur hende ta convenci caba di e victoria aplastante cu partido MEP lo bay cune dia 25 di September proximo. Hecho ta cu ora bo ta sinti bo mes perdi, bo ta cuminsa comete baina pa stroba otro partido di core su parada, manera cu a sosode algun siman atras! Sinembargo partido MEP tin un sugerencia na henter comunidad Arubano y esey ta cu ora cu e parada di AVP ta pasa den boso bario, pa corda cera boso porta y bentananan completamente y p’asina evita cu e spirito y rosea malo di AVP drenta boso hogarnan.  Semper tene den mente con den pasado nos grandinan pa tradicion tabata cera tur porta y tur bentana di nan cas, ora cu shers hunto cu esnan cu ta cana tras di e shers ta pasa dilanti cas of tiendanan y esaki ta pa evita cu spirito drenta e casnan. Pues ta na su lugar pa diadomingo awor nos tur rebiba e tradicion Arubano y corda tene e porta y bentananan hermeticamente cera, ya cu e spirito malo di AVP ya a desgracia caba henter un pais y kico ta para awor di boso hogarnan?