|
Saturday, 19 September 2009 |
|
Oranjestad -- Diabierna anochi, e team di mercadeo di partido MEP, liderisa pa su presidente Sr. Junior Arends a los un bom pa e pueblo di Aruba den e programa di Tico Croes na Top Fm. Despues cu e partido opositor a blokea mas di 10 banda local pa nan evento pa ciere di campanja, nan no a laga otro opcion pa MEP, pa busca un banda international pa asina sera e campanja di MEP. Maske cu e oferta tabata tey desde 3 luna pasa, esaki no tabata e prome opcion di MEP. Considerando e blokeo cu a tuma lugar, no a keda nada otro pa aproba e contract cu KASSAV. Esaki ta oportuno, ya cu KASSAV no ta na Francia pero pa casualidad ta den Caribe. Pues, pa e ciere di campanja di MEP, lo conta cu Grupo di Betico, Dushi Band, Le Groove, Prive y e concierto di KASSAV... sintonisa Top 95 fm pa keda na altura di tur detayes di e cierte grandioso aki, cu lo laga Aruba plat. Pa esnan cu kier a blokea e ciere di campanja y a book mas di 10 banda musical, no ta keda nada otro pa deseanan hopi exito. KASSAV TA NA ARUBA PA CIERE DI MEP...
|
