Reunion grandisimo di Nel Oduber den bario di Mabon

STA. CRUZ -- Den fin di siman lider di MEP Nelson Oduber a sigui cu su campaña cu un reunion di contacto den e bario di Mabon y cual reunion a converti su mes den un reunion publico grandisimo.

Na e ocasion aki e Defensornan fiel di Status Aparte y kendenan ta yama nan mes Betico Boys, esta Mirto van der Linden, Chamaco van der Linden y Lucio Thijsen a duna sosten completo na lider Nelson Oduber, ya cu Nel semper a sigui y defende e idealnan di nan idolo Betico Croes. Alavez den Mabon varios ta e casnan cu a dicidi di baha banderanan di e otro partidonan politico y tabata desea pa sr. Oduber personalmente hisa e bandera victorioso di MEP.