|
Zulay ta gradici un y tur pa su bunita ciere di campaña na Montaña |
|
Wednesday, 23 September 2009 |
|
STA. CRUZ – Riba diahuebs 17 di September 2009 Zulay a ricibi un multitud di sostenedor- y simpatizantenan na su cas na Montaña den celebracion di su ciere di campaña den forma di un reunion di contacto. E asistencia tabata simplemente bunita, pa cual Zulay ta yama tur cu a duna acto di presencia un danki di curazon. Habriendo bo cas pa pueblo ta un muestra noble di e comunicacion pa cu pueblo.
Zulay ta gradici Lucy , Liesje , Ruth y Harry pa nan aporte y sosten durante e reunion. E publico a disfruta di e anochi hayando hopi informacion. Zulay a pidi atencion na momento di yena e formulario di voto, pa e cora keda dentro di e liñanan di e ronchi, sino e voto ta bira invalido. Si un persona hasi un fayo e por pidi e presidente di e urna, pa un biaha, un otro formulario ( art 62). E ley cu ta regla votamento, Kiesverordening, ta indica den articulo 63 : “Wanneer aan het stembureau blijkt, dat een kiezer uit hoofde van zijn lichamelijke gesteldheid hulp behoeft, kan deze zich doen bijstaan.” Pues un persona cu no por skirbi bon, por pidi pa asistencia di por ehempel un familiar pa por vota. Pueblo haci bon uso di bo derecho di voto, vota consciente, vota pa e partido di pueblo, pa pueblo y cu pueblo; vota MEP. Bo representante, Zulay van Poppel-Marquez , candidata nr. 17 riba lista di MEP, ta gradici pa e apoyo ricibi y ta bolbe pidi e sosten riba 25 September 2009. |
