|
Sr. Eman mester asumi responsabilidad manera un persona cu ta bay goberna y stop di yora riba un dak |
|
Wednesday, 14 October 2009 |
|
Sr. Nelson Oduber, Prome Minister STA. CRUZ – Sr. Mike Eman ta sorprendi te ainda. E no a custuma cu e ta bay ta nos futuro Minister Presidente y cu el’a gana eleccion. E ta asina bruha den e dianan aki, cu en vez di ocupa su mes cu e retonan cu e pais aki tin, manera por ehempel un refineria cera.
Aruba tin retonan grandi pa henter e situacion financiero, debi na e recesion mundial, trabao pa nos hendenan. Sr. Oduber a trece dilanti cu sr. Eman a priminti di kita BBO, a priminti di aumenta onderstand cu 50%, cu e pensioen di viehez ta wordo redobla, cu e ta kita schoolgeld, cu e ta kita boekenfonds, cu edad di pensioen ta keda mescos y a priminti na esnan cu ta huur cas di pueblo cu lo no paga huur. En vez cu sr. Mike Eman ocupa cu su mes riba kico e ta bay haci, sr. Eman tin tres siman ta yora cu un dak di edificio cu e mes a haya carta na 1999 pa drech’e, en vez di asumi un responsabilidad di un persona madura cu ta bay goberna un pais, sr. Eman ta bin cu muchachada. |
