Cu den AVP ta e poder economico ta dicta cual cartera un futuro minister ta haya, esaki ta visto na momento cu e sponsornan hunto cu Mike y Henny Eman a dicidi – cu contrario na locual nan a critica pa haci politica barata – cu esey nan ta bay haci awor cu e pobercito Arthur Dowers. Pasobra Benny Kilowatt ta ‘mihor’ comerciante cu Arthur Dowers, nan a dicidi cu Benny ta haya henter e maneho pa ‘wheel and deal’ cu stranhero. Hasta e delegacion di Hulanda y e Minister di Husticia Ernst Hirsch Ballin na cabez a haya e cos aki hopi ‘merkwaardig’, esta hopi straño.  Cu Arthur Dowers ta ser usa pa hala garoshi pa AVP ta visto, pasobra e pober no tin nada di bisa. Alavez Mike y Henny Eman y e sponsornan sa cu mester cumpli cu e Latino, Haitiano y Jamaiquinonan, pa no papia mes di e Filipinonan. No lubida cu ora tur stranhero trece nan familia, lo bay tin 40.000 stranhero extra riba Aruba. Alavez lo legaliza 11.000 ilegal y fix school pa mas cu 1000 mucha ilegal. Mirando cu Benny Kilowatt ta casa cu un Colombiana y tin varios ministro cu no a nace na Aruba, nos pueblo no por spera nada otro. Ta con Arthur Dowers lo bay haci awor cu tur su expresionnan cu e Ministro di Husticia di MEP a ser pluma y cu el’a keda cu mitar cartera, anto awe Henny y Mike Eman a lague sunu  a base di su propio criticanan durante 4 aña largo. “Arthur, lo bo experencia con AVP a usa bo a la Bomba pa hala garoshi pa partido. A keda demostra cu bo no por a ni cumpli cu locual bo mes a critica cu tur fervor”