Cu 7 aña di ladronicia di AVP mes no a bin investigacion!

STA. CRUZ -- Tur hende sa cu Mike Eman tin 8 aña ta menazando tur e gobernantenan di M.E.P. cu dia e yega den gobierno e ta bay persigui nan tur. Cu e lo laga cera nan, pasobra Henny su ruman lo a wordo investiga den e corupcion di siglo den Caribe, esta Fondo Desaryo Nobo San Nicolas. E odio y venganza di Mike Eman t’asina grandi cu e mes a acerca un accountantsbureau pa haci investigacion y pa pueblo paga. Despues cu Mike de Meza a laga sa cu e ta amigo di Director di Centrale Accountantsdienst, cu segun nan lo por haya mas informacion, nan ta kere cu C.A.D. lo por yuda colga hende.

Cu 7 aña di Gabinete Eman cu a horta pueblo mes C.A.D. no por a yuda colga nan, corda pa awor C.A.D. ser usa politicamente pa AVP pa yuda persigui hende. Nos ta kere cu tin hende mester busca un spiel of un tobo cu awa pa mira nan propio cara aden! E tal Otmar tin añanan ta menazando tur gobernante di M.E.P. cu ora e bira minister, e lo persigui tur politicamente, e lo cera nan, e lo laga nan paga abogadonan hopi placa. E duo di Mike Eman cu e tal Otmar di Fondo Desaroyo Nobo San Nicolas ta e dos ministronan cu ta biba den kashi glas y kendenan kier cuminza tira piedra. Dia Centrale Accountants Dienst y Algemene Rekenkamer haci un investigacion den e casonan di belasting di Interbank, Emco N.V., oficina di notario Eman y con esnan doño tabata fix nan belasting, e promer beerput lo habri y rementa den e propio cara di e hendenan di AVP. E otro beerput ta e traspaso di Af. 1,00 di 100 miyon florin di debe di Interbank pa un institucion social, manera F.C.C.A., unda e debenan di  familia Eman a desaparece, a ser yuda pa e Mansurnan y despues Henny Eman como ‘pago’ a obliga F.C.C.A. pa Af. 1,00  tuma 100 miyon  di debe, unda F.C.C.A. a perde total mas di 40 miyon florin, placa cu por a construi masha hopi cas social pa pueblo. E tal Otmar sa masha bon cu e campaña miyonario di AVP y di dje, e placa mester a bin di un caminda! Ya cu e tal Otmar ta pretende di investiga tur hende di M.E.P., nos tambe a start un fishing expedition ariba esaki. Asina ta Mike cu Otmar, nos ta spera cu den boso afan pa investiga nos di M.E.P. na caminda boso no topa cu un paar di cadaver den boso propio beerput di corupcion. Holoshi ta tik y e Molina ta mula keto bay pa e gobernantenan di AVP.