Cera conoci cu Alvin Molina
Cu mi curason pa San Nicolas y mi alma pa Aruba.
Alvin Sigmar Charles Molina, 49 a nace na Aruba y despues di a finalisa VWO na Colegio Arubano, el continua cu su estudio avansa na Hulanda, unda Alvin a studia na Nederlandse Politie Academie na Apeldoorn pa bira inspector di polis. Alvin a ricibi un tesoro na teoria, practica y experencia cu a form’e pa sirbi su comunidad como polis. Alvin a dedica 25 aña na Cuerpo Policial Aruba, unda cu el a eherce diferente funcion, entre otro, Projectleider na Recherche Samenwerkingsteam (RST), conduciendo varios investigacion grandi hunto cu Recherche di Hulanda. Alvin tabata e prome Teamchef di e Team di Aresto di Pais Aruba, hefe di districto na San Nicolas entre aña 2012 – 2018 y desde mei 2018, Alvin a fungi como hefe na districto di Oranjestad. Semper Alvin a brinda e miho servicio posibel na su coleganan y comunidad. E funcionnan aki a yud'e den su crecemento personal y profesional. E ta considera su mes un “teamplayer” y p'e “teamspirit is everything!”.
Na april 2021, Alvin a debuta como politico y a participa na Eleccion Parlamentario na juni 2021, unda cu e tabatin e honor pa sirbi Pueblo di Aruba den e organo mas halto di nos constitucion como miembro di parlamento. Alvin a fungi tres (3) aña como parlamentario y ta conoci pa ta critico, pero alcaso cu su curason pa comunidad, particularmente pa San Nicolas. Alvin a entrega diferente mocion y ta trahando riba diferente proyecto pa e bisindario di San Nicolas. Pa menciona brevemente algun proyecto:
Carnival Village: E Centro di Celebracion!
Hotel Secrets: Habriendo porta pa local!
Embeyecemento di Baby Beach y Rodgers Beach
Desaroya e centro di ciudad y e caya principal di San Nicolas pa promove negoshi local y un ambiente di comunidad agradabel.
Desaroyo di agricultura y siguridad di cuminda
Alvin ta tata di 5 yui; 2 yui muhe y 3 yui homber. Su yuinan ta su motivacion pa ta un miho persona. Alvin tin un fe grandi den Dios, e ta hende di tur hende, cu un caracter social y cu un pasion grandi pa sirbi comunidad di Aruba y pa haci trabou boluntario. Alvin su mayornan a lant’e cu norma- y balornan fuerte y a gui’e pa ta un persona humilde, honesto y trahado. Alvin ta determina pa realisa su vision, esta pa yuda crea un Aruba, unda husticia ta prevalece pa tur, un isla mas sigur y a pesar di nos diferencianan, nos por colabora pa un “greater purpose”. Alvin ta presidente fundado y miembro activo di Kiwanis Club of San Nicolas.
Den su tempo liber Alvin gusta pasa tempo cu famia y tin un talento musical. Alvin a comparti e talento aki door di su participacion den diferente agrupacion musical. Na tres (3) ocasion Alvin a participa na Caiso & Soca Monarch, contribuyendo na cultura di Aruba y demostrando su compromiso pa engrandece cultura di Aruba. Ademas di su talento musical, Alvin a participa den diferente produccion cinematografico produci door di nos talentonan local. Diferente forma di arte tin un luga special den Alvin su curason. Un otro aspecto interesante ta Alvin su afinidad pa construccion, di cual e ta destaca danki na su famia y amigonan cu a siñe e trabou aki for di un edad hoben. Alvin por wordo describi como un persona cu ta construi y mehora “Alvin likes to construct, make things better than they were before”. Esaki ta wordo ilustra tambe den e forma cu Alvin a conduci politica y su pasion pa San Nicolas. Desde e inicio di Alvin su carera politico, su enfoke tabata riba aumenta siguridad, servicio, colaboracion y husticia. Den colaboracion cu diferente stakeholders sea ta entre departamento di gobierno, sector publico, priva, local, regional of dentro di Reino, Alvin a fiha pa hunto crea y mehora. E pasion pa sirbi comunidad ta e motivacion pa drenta e arena politico. Alvin su meta ta simpel: den balance di husticia, mester traha pa hende ricibi loke nan merece y tur esaki na un forma transparente y integro.
Cu bo sosten, mi lo finalisa loke mi a cuminsa! San Nicolas ta parti di Aruba. Si San Nicolas prospera, Aruba ta prospera!
Esey ta Alvin Molina, candidato number 10 ... together we will rise!
Cera conoci cu Alvin Molina
Cu mi curason pa San Nicolas y mi alma pa Aruba.
Alvin Sigmar Charles Molina, 49 a nace na Aruba y despues di a finalisa VWO na Colegio Arubano, el continua cu su estudio avansa na Hulanda, unda Alvin a studia na Nederlandse Politie Academie na Apeldoorn pa bira inspector di polis. Alvin a ricibi un tesoro na teoria, practica y experencia cu a form’e pa sirbi su comunidad como polis. Alvin a dedica 25 aña na Cuerpo Policial Aruba, unda cu el a eherce diferente funcion, entre otro, Projectleider na Recherche Samenwerkingsteam (RST), conduciendo varios investigacion grandi hunto cu Recherche di Hulanda. Alvin tabata e prome Teamchef di e Team di Aresto di Pais Aruba, hefe di districto na San Nicolas entre aña 2012 – 2018 y desde mei 2018, Alvin a fungi como hefe na districto di Oranjestad. Semper Alvin a brinda e miho servicio posibel na su coleganan y comunidad. E funcionnan aki a yud'e den su crecemento personal y profesional. E ta considera su mes un “teamplayer” y p'e “teamspirit is everything!”.
Na april 2021, Alvin a debuta como politico y a participa na Eleccion Parlamentario na juni 2021, unda cu e tabatin e honor pa sirbi Pueblo di Aruba den e organo mas halto di nos constitucion como miembro di parlamento. Alvin a fungi tres (3) aña como parlamentario y ta conoci pa ta critico, pero alcaso cu su curason pa comunidad, particularmente pa San Nicolas. Alvin a entrega diferente mocion y ta trahando riba diferente proyecto pa e bisindario di San Nicolas. Pa menciona brevemente algun proyecto:
Carnival Village: E Centro di Celebracion!
Hotel Secrets: Habriendo porta pa local!
Embeyecemento di Baby Beach y Rodgers Beach
Desaroya e centro di ciudad y e caya principal di San Nicolas pa promove negoshi local y un ambiente di comunidad agradabel.
Desaroyo di agricultura y siguridad di cuminda
Alvin ta tata di 5 yui; 2 yui muhe y 3 yui homber. Su yuinan ta su motivacion pa ta un miho persona. Alvin tin un fe grandi den Dios, e ta hende di tur hende, cu un caracter social y cu un pasion grandi pa sirbi comunidad di Aruba y pa haci trabou boluntario. Alvin su mayornan a lant’e cu norma- y balornan fuerte y a gui’e pa ta un persona humilde, honesto y trahado. Alvin ta determina pa realisa su vision, esta pa yuda crea un Aruba, unda husticia ta prevalece pa tur, un isla mas sigur y a pesar di nos diferencianan, nos por colabora pa un “greater purpose”. Alvin ta presidente fundado y miembro activo di Kiwanis Club of San Nicolas.
Den su tempo liber Alvin gusta pasa tempo cu famia y tin un talento musical. Alvin a comparti e talento aki door di su participacion den diferente agrupacion musical. Na tres (3) ocasion Alvin a participa na Caiso & Soca Monarch, contribuyendo na cultura di Aruba y demostrando su compromiso pa engrandece cultura di Aruba. Ademas di su talento musical, Alvin a participa den diferente produccion cinematografico produci door di nos talentonan local. Diferente forma di arte tin un luga special den Alvin su curason. Un otro aspecto interesante ta Alvin su afinidad pa construccion, di cual e ta destaca danki na su famia y amigonan cu a siñe e trabou aki for di un edad hoben. Alvin por wordo describi como un persona cu ta construi y mehora “Alvin likes to construct, make things better than they were before”. Esaki ta wordo ilustra tambe den e forma cu Alvin a conduci politica y su pasion pa San Nicolas. Desde e inicio di Alvin su carera politico, su enfoke tabata riba aumenta siguridad, servicio, colaboracion y husticia. Den colaboracion cu diferente stakeholders sea ta entre departamento di gobierno, sector publico, priva, local, regional of dentro di Reino, Alvin a fiha pa hunto crea y mehora. E pasion pa sirbi comunidad ta e motivacion pa drenta e arena politico. Alvin su meta ta simpel: den balance di husticia, mester traha pa hende ricibi loke nan merece y tur esaki na un forma transparente y integro.
Cu bo sosten, mi lo finalisa loke mi a cuminsa! San Nicolas ta parti di Aruba. Si San Nicolas prospera, Aruba ta prospera!
Esey ta Alvin Molina, candidato number 10 ... together we will rise!