Juancito Aleandro Geerman, mihor conoci como Chito, a nace na Aruba 08 di februari 1964. E yiu di mas chikito di su tata Aleandro Geerman di bario di San Fuego y Hilda Wernet di bario di Weg Sero Preto, Chito hunto cu su 5 rumannan a crece den bario di Santa Cruz. E la atende Trupial Kleuterschool, despues Maria School y a termina su estudio secundario na Colegio San Antonio. Na 1982 Chito a emigra pa Hulanda pa explora opcionnan pa construi su futuro pero na 1984 e la regresa Aruba y drenta mercado laboral. Chito ta conoci pa su carera extenso di 36 aña den e mundo di aviacion y aeropuerto. Desde 1984 e la labora cu varios compania di aviacion y na 2001 e la continua cu su carera cu Aruba Airport Authority. Chito a cuminsa den e funcion di Landside Officer, despues Landside Officer Supervisor, Head Terminal Services y ultimo e la carga e titulo di Landside Operations Manager. E la atende diferente training y curso di Airport Operations and Services y tambe di Management y Leadership. Durante pandemia na 2020, pa motibo di reorganisacion di e compania, Chito tawata parti di e grupo cu mester a tuma pakete. Despues di esaki, Chito a traha e.o. cu Bureau Rampenbestrijding Aruba como Coordinador cu tawata lidera e Task Force pa cu maneho di control di medidanan di Covid-19 di nos pais. Na 2023 Chito a worde aserca pa Minister President, cu tawata en busca di un persona confiable y integro como consehero pa forma parti di su Bureau pa cu asuntonan di Infrastructura. Te cu dia di awe, Chito ta laborando na Bureau Algemene Zaken, atendiendo asuntonan complica y asina asisti cu trece solucionnan necesario pa juda pueblo y nos pais. Banda di su trabao diario, Chito ta forma parti tambe di e Raad van Bestuur di Fundacion Facilidadnan Deportivo (FFD) representando Gobierno. Chito semper a mustra di ta ehecuta cualkier funcion cu hopi profesionalismo y semper manteniendo su caracter como un persona pro-activo, balente, integro y honesto. Chito ta conoci den e mundo di deporte pa su carera legendario di mas cu 40 aña como coredor competitivo di distancia largo. Na 2006 Chito tawata co-fundador di Aruba Road Runners and Walk Club (ARRUWAC) y a fungi varios aña como Presidente y Secretario. Na joven tambe e tawata futbolista pa equipo di Estrella y tambe e la practica e deporte di boxeo. Pa cu boxeo, durante añanan e la fungi como juez na peleanan di boxeo amateur. Pa ta un bon atleta ta exigi hopi disciplina, dedicacion y determinacion cu cual Chito ta identifica su mes den tur aspecto di su bida. Chito ta comparti su bida cu su esposa Linsey. E tin su yiu homber Oswin y 2 yiu muher di criansa Linsyenne y Josyenne. Tambe e tin su nieto O.J-Son y su nieta M.J-Lean. Aunque e bida diario ta hopi druk, Chito ta un esposo, tata y welo dedica. Weekend ta combina cu sali bai baila cu su señora, actividadnan di coremento y atende e.o. eventonan di baseball di su nieto. Chito a tuma e paso pa drenta politica y subi lista di Movimiento Electoral d
Juancito Aleandro Geerman, mihor conoci como Chito, a nace na Aruba 08 di februari 1964. E yiu di mas chikito di su tata Aleandro Geerman di bario di San Fuego y Hilda Wernet di bario di Weg Sero Preto, Chito hunto cu su 5 rumannan a crece den bario di Santa Cruz. E la atende Trupial Kleuterschool, despues Maria School y a termina su estudio secundario na Colegio San Antonio. Na 1982 Chito a emigra pa Hulanda pa explora opcionnan pa construi su futuro pero na 1984 e la regresa Aruba y drenta mercado laboral. Chito ta conoci pa su carera extenso di 36 aña den e mundo di aviacion y aeropuerto. Desde 1984 e la labora cu varios compania di aviacion y na 2001 e la continua cu su carera cu Aruba Airport Authority. Chito a cuminsa den e funcion di Landside Officer, despues Landside Officer Supervisor, Head Terminal Services y ultimo e la carga e titulo di Landside Operations Manager. E la atende diferente training y curso di Airport Operations and Services y tambe di Management y Leadership. Durante pandemia na 2020, pa motibo di reorganisacion di e compania, Chito tawata parti di e grupo cu mester a tuma pakete. Despues di esaki, Chito a traha e.o. cu Bureau Rampenbestrijding Aruba como Coordinador cu tawata lidera e Task Force pa cu maneho di control di medidanan di Covid-19 di nos pais. Na 2023 Chito a worde aserca pa Minister President, cu tawata en busca di un persona confiable y integro como consehero pa forma parti di su Bureau pa cu asuntonan di Infrastructura. Te cu dia di awe, Chito ta laborando na Bureau Algemene Zaken, atendiendo asuntonan complica y asina asisti cu trece solucionnan necesario pa juda pueblo y nos pais. Banda di su trabao diario, Chito ta forma parti tambe di e Raad van Bestuur di Fundacion Facilidadnan Deportivo (FFD) representando Gobierno. Chito semper a mustra di ta ehecuta cualkier funcion cu hopi profesionalismo y semper manteniendo su caracter como un persona pro-activo, balente, integro y honesto. Chito ta conoci den e mundo di deporte pa su carera legendario di mas cu 40 aña como coredor competitivo di distancia largo. Na 2006 Chito tawata co-fundador di Aruba Road Runners and Walk Club (ARRUWAC) y a fungi varios aña como Presidente y Secretario. Na joven tambe e tawata futbolista pa equipo di Estrella y tambe e la practica e deporte di boxeo. Pa cu boxeo, durante añanan e la fungi como juez na peleanan di boxeo amateur. Pa ta un bon atleta ta exigi hopi disciplina, dedicacion y determinacion cu cual Chito ta identifica su mes den tur aspecto di su bida. Chito ta comparti su bida cu su esposa Linsey. E tin su yiu homber Oswin y 2 yiu muher di criansa Linsyenne y Josyenne. Tambe e tin su nieto O.J-Son y su nieta M.J-Lean. Aunque e bida diario ta hopi druk, Chito ta un esposo, tata y welo dedica. Weekend ta combina cu sali bai baila cu su señora, actividadnan di coremento y atende e.o. eventonan di baseball di su nieto. Chito a tuma e paso pa drenta politica y subi lista di Movimiento Electoral d