Michella Laclé e/v Steenvoorde: 

Aruba, permitimi introduci mi mes, mi ta mama di dos yiu Guizza Maria Steenvoorde y Loghan Michael Steenvoorde y casa di Leonardus Steenvoorde. Mi ta un persona humilde di curason cu ta kere den Dios y ta pensa cu Dios a manda mi na e mundo aki cu un proposito. 

Mi proposito ta di sirbi mi pueblo cu sinceridad y determinacion. Mi ta bin di e mundo di enseňansa sinembargo mi a desaroya mi mes den diferente area y disciplina. Areanan manera desaroyo y implementacion di maneho.

Na ana 2018 mi a wordo acerca pa e actual Minister di Husticia pa join su team como consehera. Y eynan mi a desaroya e proyecto Voortgezet Ouderschap o sea Mayor bo ta pa semper. Un concepto di ley cu tin su origen na madre patria y ta encera cu mayornan lo mester traha un PLAN DI MAYOR prome cu nan separa. Esaki ta pa salvaguardia e derechonan fundamental di nos muchanan cu ta ancra den tratadonan di derecho internacional di mucha di Nacionnan Uni.

Den futuro, mayornan cu ta pensa di separa, por bay na un luga caminda nan ta haña e guia necesario pa haci esaki teniendo nan yiu central, y cu e daňo minimo pa e mucha. 

Tambe mi ta traha den e team di tratadonan di proteccion internacional pa tur persona cu tin derecho di wordo protehi pasobra nan ta teme pa nan bida y integridad. 

Den mi tempo liber mi ta dedica na haci trabou boluntario. Mi ta den board di dos voetbal team cu ta bay fuseer y pa hopi aña mi ta coordinador boluntario pa ArubaDoet. Otro pasion di mi ta Carnival. Mi ta gusta traha riba carosa y yuda semper den TOB kids. 

Mi a scoge Partido MEP pasobra mi a wak di cerca con e ekipo a traha ora bo ta den medio di e wowo di e horcan. Esaki ta loke e crisis di COVID-19 tawata! E ta rekeri un ekipo di profesional cu no solamente tin e estudio y capacidad, pero cu por tin e serenidad y e control emocional pa maneha un crisis di e magnitud aki. Mi wowonan a habri y pa mi ta un honor pa por wordo accepta den e partido cu mi difunto abuelo a yuda funda. Un partido di homber y muhenan balente cu a sa di construi e Aruba cu nos ta biba aden awendia, cu a sa di reforma e kiesverordening pa asina permiti mas hende participa na e sistema democratico di laga bo voto conta. Nos lo duna honor na nan legado y sigui cu pasonan firme y determina pa logra cambionan importante pa e generacionnan cu ta bin despues di nos. ‘For we will plant trees under which's shadow we will never sit. But we will do it for our children’.

Si bo tambe ta di acuerdo con nos Minister President Evelyn Wever-Croes a enfrenta tur e retonan di magnitud gigantesco. Si abo tambe a wak cu e tawata e serenidad den medio di e horcan, e lider firme cu a saca nos foi di e wowo di e tempestad cu e crisis di COVID-19 a bin cu ne. E poder ta den Bo. CU BO ARUBA TA AVANSA