Eddy Paris a nace na Caracas, Venezuela di mayornan naci na Aruba y desde baby Eddy a lanta na Aruba.  

 

Despues di a caba high-school militar na Merca, Eddy a obtene su grado di Bachelor of Arts den Hospitality and International Tourism Management na Florida International University y despues a traha 1 aña na Coral Gables, Florida como gerente di venta pa Sonesta Hotels.

 

Na aña 1995 Eddy a obtene un grado di Master of Arts in Business Communications & Public Relations y na 1999 un grado di Master of Business Administration and International Financial Management na Europa. 

 

Eddy a traha algun aña cu Marriott Aruba den e capacidad di Marketing & Sales Manager pa Latino America y Caribe y na aña 1996 Eddy a cuminsa su carera corporativo den e mundo bancario na Aruba.

 

Di aña 2003 pa 2006 Eddy tabata e general managing director di Garage Cordia Aruba NV. Na aña 2008 Eddy a habri e prome eco-cultural boutique hotel na Aruba, Cunucu Arubiano - cu tabata afilia na e cadena luhoso Small Luxury Hotels of the World.

 

Na aña 2009 te cu 2016 Eddy a bolbe bek den e mundo bancario corporativo na Aruba. Desde aña 2017 Eddy ta e representante di Aruba na Union Europeo y Minister Plenipotenciario suplemente na Den Haag, Hulanda.  

 

Na aña 2019 Eddy a wordo eligi pa e posicion di vice-voorzitter di OCTA y desde December 2020 Eddy ta ocupa e posicion di Presidente di e Comite Ehecutivo di OCTA - un asociacion cu ta representa 22 pais rond mundo cu lasonan special cu Union Europeo.