PRIORIDAD #1: COSTO DI BIDA Y PODER DI COMPRA

Partido MEP:

Awor cu a crea espacio financiero, Partido MEP ta bay enfoca riba 7 punto di prioridad

PRIORIDAD #1: COSTO DI BIDA Y PODER DI COMPRA

Den e programa di Partido Movimiento Electoral di Pueblo, e punto crucial ta costo di bida y poder di compra. Aruba ta importa casi tur producto y consecuentemente tambe ta importa e inflacion di e producto y eyriba cada comerciante ta pone su prijs pa e tin su ganashi. Gobierno no tin control riba esaki. Gobierno tin control solamente riba prijsnan di e canasta basico.

Partido MEP lo sigui enfoca riba baha costo di bida y mehora e poder di compra di cada ciudadano den e proximo 4 añanan. Gobierno a cuminsa caba eherciendo control di prijs riba e canasta basico y ta den negosacion cu comerciantenan pa baha gasto di transporte di producto cu nan ta importa. Actualmente Partido MEP den gobernacion a mehora e forsa di compra di empleado publico cu indexering, a hisa e pensioen y a hisa e gehandicapten uitkering entre otro.

Den e programa di Partido MEP pa eleccion 2024, tin e solucion pa sigui baha costo di bida y mehora poder di compra y asina continua den e direccion di prosperidad pa cada ciudadano di Aruba:

Prioridad#1: Costo di Bida y Poder di Compra

Baha costo di bida:

• Amplia canasta basico

• Concientisacion control di prijs

• Importa carni di Colombia

• Traha hunto cu comerciantenan pa baha costo di transporte y asina baha prijs di producto

Mehora poder di compra di nos cuidadanonan:

• Sigui aumenta pensioen di biehes na un forma responsabel

• Sigui aumenta sueldo minimo

• Sigui aumenta gehandicapten uitkering

• Sigui baha tarifa di loonbelasting

• Sigui baha tarifa di coriente y introduci un subsidio (energie toeslag) pa famianan vulnerabel

• Introduci subsidio pa creche (creche toeslag)

• Crea mas vivienda social y pagabel

Awor cu a crea espacio financiero, Partido MEP lo sigui atende cu temanan di costo di bida, y pa esaki Partido MEP ta pidibo bo sosten pa cumpli cu nan.