Tin biaha politica mes ta “ take care” di politiconan y partidonan politico cu no kier accepta cu nan manera di hiba politica ta pasando. Partido AVP y nan lider Mike Eman a haya un senja hopi fuerte di e electorado pa 2 eleccion consecutivo caminda e partido a perde 15.000 votador. E ta obvio cu pueblo a rechasa e manera di hiba politica di AVP y pueblo ta contra corrupcion.
Awor despues di eleccion envez cu AVP reflexiona y pensa un manera distinto con pa hiba politica y yuda Aruba progresa nan ta keda cu nan mesun estilo di instiga y crea chaos sin por presenta alternativa y solucion. Es mas awor den parlamento nan a forma e ‘’bloke” na fabor di corrupcion cu partidonan Accion 21 y MAS. Ora nos a kere realmente e partidonan nobo ta contra corrupcion y lo bringa esaki, nan a join e partido cu tin un miembro di parlamento encarcela y ta vota hunto, sinta hunto y traha complot hunto durante tur reunion.
Durante conferencia di prensa di AVP Mike Eman un biaha mas a recuri na mentira y instigacion pa loke ta trata e rapport nacional do comision di cuido. Manera ta conoci for di anja pasa gobierno Hulandes a pone como condicion pa Aruba bin na remarke y haya e di dos ‘’tranche’’ di placa pa por cumpli cu tur nos obligacionan, cu lo mester corta 5 miyon florin pa luna den cuido medico. E anja aki na februari 2021 gobierno a institui un comision nacional di cuido pa asina hunto cu e sector di cuido pensa con nos lo por restructura e gastonan di azv na un mihor forma posibel pa asina garantlza e sostenibilidad di e fondo di AZV.
Nos ta lamenta cu atrobe Mike Eman y AVP ta purba score y hunga politica barata cu e rapport aki. Nos ra lamenta si cu e veld no kier ta solidario cu pueblo, no kier asumi nan responsabilidad sino mas bien ta pusha tur presion riba pueblo. E tarea na e comision tawata con por logra reduci gastonan di azv na e forma mas responsabel,posibel y e comision su sugerencianan nan tawata pa laga pueblo bai paga mas cual no tawata forma parti di e meta.
Ningun momento gobierno di Aruba a tuma ningun decision ainda con lo bai cumpli cu e exigencia di gobierno Hulandes.
Commentaires