Parlamentario Alvin Molina:
En conexion cu e 65 aniversario di Sint Michaël School dia 1 di september ultimo nos a bishita e scol pa saluda y felicita cabesante sra. Valery Janga, maestronan y alumnonan di e scol.
E encuentro social ameno a tuma luga bou palo di e scol unda cada klas a prepara un bunita presentacion pa e invitadonan. Cu yen di entusiasmo, alegria, energia y creatividad e alumnonan a declama poema, canta y baila pa celebra e aniversario di safir di nan scol. Como bisiña di e scol pa varios aña caba mi ta experencia e alegria di e muchanan ora nan yega scol mainta of ora nan tin cualkier celebracion na scol, mi tambe ta gosa hunto cu nan. Sigur cu 65 aña ta un logro grandi y loke cu ta remarcabel di e Sint Michaël School ta su estado despues di 65 aña ainda e ta asina bunita.
Claro cu Gobierno ta pone su parti pero aki sigur ta danki na e maestro, docente, alumno y nan mayornan cu tambe ta yuda pa manetene e scol den e bon estado cu e ta. Sigur palabra di elogio na e boluntarionan cu ta haci un tremendo trabou e.o. Aruba Doet sigur ta un di nan. Masha pabien na e maestronan y danki pa contribui na educacion di nos muchanan den e bario di Brazil.
コメント